Josep Puchades

Natural de Valencia, Josep Puchades Escribà, iniciou os seus estudos na súa cidade natal,  continuando a súa formación no Real Conservatorio Superior de Música de Madrid, Yale University (EEUU) onde obtivo un Master of Music e un Artist Diploma ademais dun posgrao no Mozarteum Salzburg (Austria), estudando con Luís Llácer, Jesse Levine, Tokyo String Quartet e Thomas Riebl respectivamente.

Apaixonado da música de cámara, é na actualidade violista do Cuarteto Quiroga, Premio Nacional de Música 2018, co cal actúa habitualmente nas principais salas de concertos, ciclos e festivais internacionais, realizando ademais premiadas gravacións. Compaxina o seu labor de intérprete coa docencia, foi profesor do R. C. S. M de Madrid e o C. S. M de Aragón. Na actualidade é profesor de viola en Musikene, Centro Superior de Música do País Vasco e é convidado a impartir clases en diversos conservatorios e orquestras novas. 

Da súa actividade orquestral cabe destacar os dez anos como membro de Mahler Chamber Orchestra e Lucerne Festival Orchestra así como viola co-principal da Orquestra da Comunidade Valenciana, Palau de lles Arts. Actuando regularmente con directores da talla de Claudio Abbado, Seiji Ozawa, Lorin Maazel, Zubin Metha, Valery Gergiev, J.E Gardiner, Andris Nelsons, Pierre Boulez e Daniel Harding, entre outros. Ademais, colaborou como viola principal convidado en orquestras como Orchestre d’ Auvergne, Orquestra Nacional de España, Orquestra Sinfónica de RTVE, Camerata Salzburg, Orchestra Sinfónica della RAI e Camerata Bern. 

Galardoado en diversos concursos internacionais entre os que se atopan,  3 er premio no II Concurso Internacional de Vienna 2004 e 1 er premio do Woolsey Hall Concerto Competition, New Haven (EEUU) 2002,  recibiu ademais o Yale Alumni Association Prize 2003. Como solista actuou con orquestras como a Radio de Viena, Yale Philharmonia, Orquestra de Camara Reina Sofia ou a Nova Orquestra da Comunitat Valenciana.

Foi convidado a participar, tanto en Europa como Estados Unidos, en importantes festivais  incluíndo Tanglewood, Lucerne, Schleswig- Holstein, Norfolk, IMS Prussia Cove, Seiji Ozawa International Academy e colaborou camerísticamente con artistas como Martha Argerich,  Julian Rachlin, Veronika Hagen, Valentin Erben, Gary Hoffman, Clemens Hagen, Kolja Blacher, Antje Weithass e os cuartetos Jerusalem, Doric, Voce e Dudok.